Ukraina mamlakatni qayta qurish va ukrainaliklarni vatanga qaytarish bo‘yicha ijtimoiy dasturlarni amalga oshirish uchun hamkorlardan qo‘llab-quvvatlov kutmoqda, biroq harbiy harakatlar tufayli mehnat bozori qulamoqda. Bu haqda Ukraina iqtisodiyot vaziri o‘rinbosari Tatyana Berejnaya Polsha—Ukraina iqtisodiy forumida aytib o‘tdi.
“Janglar 10 million odam ish bilan band hududlarda kechmoqda. Kamida 5 million kishi ishsiz qoldi. Janglarda yuzlab ishchilar halok bo‘ldi. Urush tufayli 7 millionga yaqin odam allaqachon mamlakatni tark etgan. Ishsizlik darajasi sezilarli darajada oshdi ”, — dedi u.
Berejnayaning ta’kidlashicha, Ukraina hukumati mehnat bozori va umuman iqtisodiyotni barqarorlashtirish uchun bir nechta dasturlarni ishga tushirgan: biznes uchun qulay kredit va grantlarni qo‘llab-quvvatlash, korxonalarni “xavfli hududlardan nisbatan xavfsiz hududlarga” ko‘chirish va ishsizlarni jamoat ishlariga jalb qilish.
Berejnayaning qayd etishicha, Ukraina rasmiylari harbiy harakatlar tufayli mamlakatni tark etgan barcha fuqarolarni qaytarishga qaror qilgan.
Oktabr oyi oxirida Ukraina rasmiylari shaxsiy guvohnomalarini yo‘qotgan fuqarolarning mamlakatga qaytishiga yordam beradigan maxsus sertifikatni joriy qildi. Ukraina bosh vaziri Denis Shmigal Kiyev ukrainaliklarni vatanga qaytarish uchun hamma narsani qilishga va’da berdi. Hujjat yil davomida tajriba doirasida chiqariladi, deya tushuntirdi hukumatning Oliy Radadagi doimiy vakili Taras Melnichuk.
Izoh (0)