Евроиттифоқ Ўрта Осиё билан ҳамкорликни кучайтириши керак, деб ҳисоблайди Европа дипломатияси раҳбари Жозеп Боррел. Унинг фикрича, минтақанинг энергетика етказмалари, ўта муҳим хом ашё импорти ва Россияни айланиб ўтувчи янги транспорт йўлаклари бўйича салоҳиятини амалга ошириш керак.
Боррелнинг фикрича, Россия ва Хитой Ўрта Осиёда етакчи ролни ўйнашда давом этмоқда. Шу билан бирга, унинг фикрича, ушбу минтақа мамлакатлари алоқаларни хилма-хиллаштиришга интилмоқда ва Евроиттифоқда ўзига мос шерикни кўрмоқда.
«Евроиттифоқ сифатида биз бу ўзгаришлардан фойдаланиб қолишдан манфаатдормиз. Биз минтақа билан алоқаларимизни чуқурлаштиришимиз, унинг улкан салоҳиятини ишга туширишимиз керак, булар эса энергия манбалари, ўта муҳим хом ашё етказиб бериш ва Россияга боғлиқ бўлмаган янги транспорт йўлакларидан иборатдир», — деб ёзди Боррел ўз блогида Марказий Осиёга сафари якуналри ҳақида. Унинг қайд этишича, гап Транскаспий йўлаги ҳақида бормоқда, унинг Қозоғистонга ташрифи чоғида уни ривожлантириш масаласи муҳокама қилинган эди.
Жозеп Боррел Марказий Осиёга ташрифи мобайнида Евроиттифоқ ушбу минтақа мамлакатларига инвестициялар ҳажми бўйича етакчилик қилаётгани, ушбу кўрсаткич бўйича Россия ва Хитойни ортда қолдираётганини маълум қилди. Евроиттифоқ мамлакатлари сўнгги ўн йил ичида Марказий Осиё давлатларига 105 миллиард евро инвестиция киритган.
Ўтган ҳафта Самарқандда Туркий давлатлар ташкилотининг биринчи саммити бўлиб ўтди. Унда ташкилот аъзоларининг сиёсий, иқтисодий ва маданий ҳамкорлигини кучайтириш режалари белгилаб олинди ҳамда туркий дунёнинг азалий «Шарқ ва Ғарбни боғлаб, жаҳон цивилизацияларини яқинлаштириш» роли ҳақида кўп гапирилди.
Изоҳ (0)