Tbilisida Gruziyaning uchinchi prezidenti Mixail Saakashvilini qo‘llab-quvvatlash uchun ommaviy miting bo‘lib o‘tdi. Gruziya hukumati binosi oldiga yig‘ilgan siyosatchining tarafdorlari Saakashvilining xorijga davolanish uchun yuborilishini talab qildi, deb xabar bermoqda Deutsche Welle nashri.
Gruziyaning sobiq prezidenti qamoqxonada ikki marta ochlik e’lon qilish aksiyasi tufayli sog‘lig‘i yomonlashgani uchun 2022-yil may oyi o‘rtalaridan buyon Tbilisidagi Vivamed klinikasida yotibdi. Mixail Saakashvili derazalari panjarali palatada va qurollangan qo‘riqchilar nazoratida saqlanyapti.
Shifokorlar fikricha, siyosatchining sog‘lig‘i yomonlashgan va o‘limga yaqin. Ayni paytda, sobiq prezident tarafdorlari Gruziyada kerakli darajadagi mutaxassislar yo‘qligiga ishonadi, shuning uchun rasmiylardan Mixail Saakashviliga xorijda davolanish imkoniyatini berishni so‘ramoqda.
Izoh (0)