Parij shahrida bo‘lib o‘tayotgan o‘zbek-fransuz biznes forumi doirasida Total Energies kompaniyalar guruhi prezidenti Patrik Jan Puane quyidagi fikrlarni bildirib o‘tdi.
“Avvalambor, janob prezident Mirziyoyevning yana Fransiyaga tashrif buyurayotganidan mamnunmiz. Albatta, bu tashrif ikki tomonlama aloqalarni yanada mustahkamlashga o‘z hissasini qo‘shadi.
O‘zbekiston Markaziy Osiyoda o‘z mavqeyiga ega mamlakat. Ayniqsa, so‘nggi 5-6 yil ichida hukumat yirik islohotlarni amalga oshirish bilan band.
2017-yili O‘zbekistonda bo‘lgandim. Investor sifatida juda yaxshi qarshilashgan. O‘zbekiston — investitsiyalarni qarshilashga ochiq mamlakat. Bu esa yurtingizda yirik loyihalar boshlanishiga xizmat qiladi, albatta.
Menimcha, xuddi biz kabi energiya yaratish borasida innovatsiyalarni olib kira oladigan kompaniyalar bilan hamkorlikni yanada kuchaytirish zarur. O‘ylashimcha, O‘zbekistonda zamonaviy texnologiyalar asosida quyosh batareyalari ishlab chiqarish innovatsiyalar rivojiga, shuningdek, o‘zbek hamkorlarimiz uchun ko‘proq loyihalar ishlab chiqarish va bozorga chiqish imkonini beradi.
Bu loyihani amalga oshirish uchun barcha imkoniyat bor va energiya yaratish borasidagi hamkorligimiz yanada rivojlanadi.
Fransiyalik tadbirkorlar, birinchi navbatda, O‘zbekistonga borishi kerak. Judayam chiroyli mamlakatning odamlari, sharoiti bilan yaqindan tanishish, o‘z tajribalarini o‘zbek hamkorlarimiz bilan o‘rtoqlashishi lozim.
Albatta, ular loyihani qo‘llab-quvvatlasa, hamkorlikka kirishiladi. Xorijiy sarmoyadorlar, albatta, o‘sha mamlakatga borib, uni o‘zlari uchun kashf eta olishlari kerak.
O‘zim 2017-yildagi kabi yana yurtingizga borib, imkoniyatlar bilan tanishishga umid qilyapman. O‘shanda ilk bor 20 megavattli energiya manbalariga investitsiya kiritgan edik. Hozirda mamlakatingiz imkoniyati yanada kengaygan. Umid qilamanki, biz bu miqdorni 1 gigavattga chiqara olamiz”, —dedi Patrik Jan Puane.
Izoh (0)