Joriy yilning oktabr oyi yakunlari bo‘yicha kelgusi 12 oy uchun narxlar o‘sishi bo‘yicha biznes vakillarining inflyatsion kutilmalari o‘tgan oyga nisbatan 0,4 foiz bandga yuqorilab, 14,2 foizni tashkil etdi (pdf).
Inflyatsion kutilmalar — turli guruhlar bo‘yicha mos javobni belgilagan aholi sonining o‘sha javoblar o‘rtacha qiymatiga ko‘paytmalari yig‘indisini jami aholi soniga nisbati (o‘rtacha ko‘rsatkich).
Tadbirkorlik subyektlarining inflyatsion kutilmalari dinamikasi (foizda):
Kelgusi 12 oyda inflyatsiya ko‘rsatkichi joriy darajada yoki undan yuqoriroq bo‘lishini kutayotgan respondentlarning ulushi o‘tgan oyga nisbatan 5 foizga yuqoriladi.
Inflyatsion kutilmalarning asosiy omillari (respondentlarning ulushi, foizda):
Ushbu oyda tadbirkorlarning aksariyat qismi kelgusi 12 oyda inflyatsiyani 9-12 foiz atrofida bo‘lishini kutmoqda.
Shuningdek, oktabr oyida bir yildan so‘ng inflyatsiya 17-20 foiz doirasida bo‘lishini kutayotgan biznes vakillarining ulushi ortib bormoqda.
Inflyatsion kutilmalar bo‘yicha respondentlarning taqsimoti (respondentlarning ulushi, foizda):
Tadbirkorlar tomonidan keyingi 12 oyda narxlar oshishiga valyuta kursining qadrsizlanishi (44 foiz) hamda yoqilg‘i mahsulotlari va transport xizmatlarining narxlari qimmatlashishi (39 foiz) kabi omillar ta’sir etishi mumkinligi ta’kidlandi.
Avvalroq O‘zbekistonda biznes kayfiyati qanday bo‘layotgani haqida xabar berilgandi.
Izoh (0)