Туркия ва Хитой билан рақобат: тюменлик тадбиркорлар Ўзбекистон бозорига киришни режалаштирмоқда

Тюменлик тадбиркорлар Ўзбекистон бозорларида ўз ўрнини эгаллашга уринаётган Туркия ва Хитой билан рақобатлашади. Бу ҳақда «РБК» хабар берди.

Экспортни қўллаб-қувватлаш маркази раҳбари Алексей Ергалиевнинг айтишича, Ўзбекистон ҳозир бутун дунё билан алоқа ўрнатмоқда.

Давлатнинг янги сиёсати илгари бозорни тарк этган инвесторлар учун эшикни очиш имконини берди. Ўзбекистоннинг ички бозордаги ижобий имиджини шакллантиришга қаратилган кўплаб қонунлар қабул қилинмоқда, — дейди Алексей Ергалиев.

Унга кўра, айни пайтда савдо ҳажми бўйича биринчи рақамли ҳамкор ва етакчи Россия ҳисобланади. Бунга асосий сабаб эса нефть ва газ соҳасидаги савдо.

Ўзбекистон бозорида ўз ўрнини эгаллашга уринаётган Туркия ва Хитой тадбиркорларининг фаоллиги юқори, – деди Алексей Ергалиев.

Тюменлик тадбиркорлар делегацияси ҳозир Ўзбекистонда бизнес миссияси билан бўлиб, ҳамкорликни муҳокама қилмоқда.

Бир қатор шартномалар тузилиб, турли соҳаларда, жумладан, савдо соҳасида ҳамкорликнинг янги имкониятлари ўрганилмоқда.

Аввалроқ Ўзбекистон Россиянинг Тюмен вилояти аҳолиси оммавий равишда иш топиб, кўчиб ўтмоқчи бўлган йўналишлардан бирига айлангани ҳақида хабар берилганди.