Tez orada Twitter ijtimoiy tarmog‘ida uzun postlar yozish imkoniyati paydo bo‘ladi. Bu haqda ijtimoiy tarmoq egasi Ilon Maskka tayanib “TASS” xabar bermoqda.
Tez orada uzun tvitlar yozish imkoniyati paydo bo‘ladi, — deb yozdi biznesmen o‘zining Twitter’dagi sahifasida.
Hozirda tvitning maksimal uzunligi 280 belgidan iborat. Uzoq vaqt davomida ijtimoiy tarmoqda 140 belgidan iborat xabarlarni yozish mumkin bo‘lgan. Biroq 2017-yilda kompaniya rahbariyati tvitdagi harflar hajmini ikki baravar oshirishga qaror qilgandi.
Mask Twitter’ni oktabr oyi oxirida 44 milliard dollarga sotib oldi. Shundan so‘ng direktorlar kengashini ishdan bo‘shatib, ijtimoiy tarmoqni shaxsan o‘zi boshqarmoqda.
Mask kompaniyani sotib olgach, Twitter xodimlarining yarmini, jumladan, yuqori boshqaruvni ham ishdan bo‘shatdi.
Avvalroq Ilon Mask Twitter’ning 4 400 nafar xodimini ogohlantirishsiz ishdan bo‘shatgani aniqlangani haqida xabar berilgandi.
Izoh (0)