Fransiya prezidenti Emmanuel Makron 18-noyabr kuni Osiyo davlatlarini Rossiyaning Ukrainadagi harbiy agressiyasiga qarshi “o‘sib borayotgan konsensus”ga qo‘shilishga chaqirdi. Bu haqda France 24 xabar berdi.
Prezident Osiyo-Tinch okeani iqtisodiy yetakchilari sammitida Fransiya uchun birinchi raqamli ustuvor vazifa Ukrainada tinchlik o‘rnatish va Rossiyaga global bosim o‘tkazishga urinish ekanini aytdi. Makron Ukrainadagi urush umumiy muammo ekanini ta’kidladi. Bu borada Fransiya prezidenti Xitoy, Hindiston, Yaqin Sharq, Afrika va Lotin Amerikasi bilan yaqindan hamkorlik qilib, “konsensus” yaratmoqchi.
“Gegemonlikka, qarama-qarshilikka ishonmaymiz. Biz barqarorlikka ishonamiz”, — dedi u.
Bundan tashqari, Makron xalqaro hamjamiyat iqlim o‘zgarishidan tortib iqtisodiy notinchlikgacha bo‘lgan inqirozlarga duch kelayotgani va bunga qarshi javob choralari zarurligini aytdi.
“Bizning Hind-Tinch okeani strategiyamiz bu muhitda dinamik muvozanatni qanday ta’minlashdan iborat”, — deydi prezident.
Fransiya rahbari Rossiyaning Ukrainadagi urushida Osiyo va boshqa davlatlar harakat qilish majburiyatini olishi kerakligini xulosa qildi.
“Bu urush sizning ham muammoingiz, chunki u ko‘plab beqarorlikni keltirib chiqaradi”, — deydi Makron.
Noybar oyida Rossiyaning Fransiyadagi elchisi Aleksey Meshkov mamlakatalr orasidagi munosabatni normallashtirish yo‘lini aytgandi. Diplomat ikki davlat munosabatlar tarixidagi eng yaxshi davrni boshdan kechirmayotganini qayd etgan.
10-noyabr kuni fransiyalik siyosatchi Zelenskiy rejimini moliyalashtirishni to‘xtatishga chaqirdi. Rossiya Ukrainaga bostirib kirgandan buyon Fransiya va boshqa G‘arb davlatlari Ukraina Qurolli kuchlarini milliardlab dollarlik qurol-yarog‘ bilan ta’minladi. Parij allaqachon Kiyevga 18 ta CAESAR 155mm o‘ziyurar artilleriya moslamalarini yuborgan.
Bundan tashqari, Fransiya prezidenti Emmanuel Makron mamlakat rasmiylari Daniya bilan birgalikda Ukrainaga yana oltita xuddi shunday gaubitsa yetkazib berish ustida ish olib borayotganini aytdi. Parij, shuningdek, Kiyevga radarlar, havo hujumidan mudofaa tizimlari va raketalarni yetkazib berishni rejalashtirmoqda.
Izoh (0)