Франция президенти Эммануэль Макрон 18 ноябрь куни Осиё давлатларини Россиянинг Украинадаги ҳарбий агрессиясига қарши «ўсиб бораётган консенсус»га қўшилишга чақирди. Бу ҳақда France 24 хабар берди.
Президент Осиё-Тинч океани иқтисодий етакчилари саммитида Франция учун биринчи рақамли устувор вазифа Украинада тинчлик ўрнатиш ва Россияга глобал босим ўтказишга уриниш эканини айтди. Макрон Украинадаги уруш умумий муаммо эканини таъкидлади. Бу борада Франция президенти Хитой, Ҳиндистон, Яқин Шарқ, Африка ва Лотин Америкаси билан яқиндан ҳамкорлик қилиб, «консенсус» яратмоқчи.
«Гегемонликка, қарама-қаршиликка ишонмаймиз. Биз барқарорликка ишонамиз», — деди у.
Бундан ташқари, Макрон халқаро ҳамжамият иқлим ўзгаришидан тортиб иқтисодий нотинчликгача бўлган инқирозларга дуч келаётгани ва бунга қарши жавоб чоралари зарурлигини айтди.
«Бизнинг Ҳинд-Тинч океани стратегиямиз бу муҳитда динамик мувозанатни қандай таъминлашдан иборат», — дейди президент.
Франция раҳбари Россиянинг Украинадаги урушида Осиё ва бошқа давлатлар ҳаракат қилиш мажбуриятини олиши кераклигини хулоса қилди.
«Бу уруш сизнинг ҳам муаммоингиз, чунки у кўплаб беқарорликни келтириб чиқаради», — дейди Макрон.
Нойбар ойида Россиянинг Франциядаги элчиси Алексей Мешков мамлакаталр орасидаги муносабатни нормаллаштириш йўлини айтганди. Дипломат икки давлат муносабатлар тарихидаги энг яхши даврни бошдан кечирмаётганини қайд этган.
10 ноябрь куни франциялик сиёсатчи Зеленский режимини молиялаштиришни тўхтатишга чақирди. Россия Украинага бостириб киргандан буён Франция ва бошқа Ғарб давлатлари Украина Қуролли кучларини миллиардлаб долларлик қурол-яроғ билан таъминлади. Париж аллақачон Киевга 18 та CAESAR 155мм ўзиюрар артиллерия мосламаларини юборган.
Бундан ташқари, Франция президенти Эммануэль Макрон мамлакат расмийлари Дания билан биргаликда Украинага яна олтита худди шундай гаубица етказиб бериш устида иш олиб бораётганини айтди. Париж, шунингдек, Киевга радарлар, ҳаво ҳужумидан мудофаа тизимлари ва ракеталарни етказиб беришни режалаштирмоқда.
Изоҳ (0)