Оқ уй Хитойни Шимолий Корея ракета учиришини тўхтатиш учун унга таъсир ўтказишга чақирди. Бу ҳақда АҚШ маъмуриятига таяниб, «РИА Новости» хабар берди.
«Биз Хитой билан бу масала бўйича мунтазам алоқадамиз. Пекин бунда муҳим роль ўйнаши мумкинлигига ишонамиз. Шунинг учун бу масалани БМТ Хавфсизлик Кенгашига олиб чиқмоқдамиз», дейилади хабарда.
Вашингтонга кўра, Пекин Шимолий Кореяни ракета учирилишидан воз кечишга кўндириш орқали ўз таъсиридан фойдаланиши мумкин, АҚШ буни «беқарорлаштирувчи ҳаракатлар» деб билади.
2022 йил бошидан буён Шимолий Корея 34 та ракета учирди. Уларнинг деярли ярми, яъни 15 таси 25 сентябргача бўлган даврга тўғри келади. Бундан ташқари, «Хвасон-12» типидаги ўрта масофага мўлжалланган баллистик ракета учирилди, у Япония узра учиб, Шимолий Корея учун учун рекорд ҳисобланган 4500 километр масофани босиб ўтган. Парвоз баландлиги эса 1000 километрни ташкил қилган.
Маълумот учун, Шимолий Корея 17 ноябрь куни ҳам ракета учирди, у Япониянинг Хоккайдо ороли яқинига келиб тушди. Мазкур маълумот Япония Мудофаа вазирлиги томонидан эълон қилинди.
Изоҳ (0)