Andijon tumanida pirotexnika vositalari muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Qayd etilishicha, Bosh prokuratura huzuridagi departamentning Andijon viloyati boshqarmasi tomonidan tezkor tadbir o‘tkazilgan. Unda fuqarolar A.A., O.T. va boshqalar o‘zaro til biriktirib, Andijon tumani “Qora tut” MFY hududidagi xonadonda xavflilik darajasi yuqori bo‘lgan, umumiy qiymati 86,4 million so‘mlik jami 96 ming dona xorijda ishlab chiqarilgan “Birthday Candle 6 PCS” nomli pirotexnik vositalarini Yangi yil bayrami arafasida sotish maqsadida saqlab kelayotgani aniqlangan.
Mazkur holat yuzasidan Jinoyat kodeksining 250-1-moddasi (pirotexnika buyumlarining qonunga xilof muomalasi) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir: “Mavsum” boshlandi: Bojxonachilar 433 million so‘mlik pirotexnika vositalarini to‘xtatib qoldi
Izoh (0)