O‘zbekistonning qator hududlarida kredit mablag‘larini talon-toroj qilish holatlari aniqlandi, deb xabar beradi Prokuratura departamenti.
Bosh prokuratura huzuridagi departament organlari tomonidan banklarning komplaens-nazorati tuzilmalari bilan hamkorlik doirasida pul mablag‘larining talon-toroj qilinishi bo‘yicha aniqlangan qonunbuzilish holatlari yuzasidan o‘z vaqtida qonuniy choralar ko‘rilmoqda.
Xuddi shunday departamentning Boysun tuman bo‘limi tomonidan o‘tkazilgan tergovga qadar tekshiruvda, tuman Obodonlashtirish bo‘limi hisobchisi S.M. 17 nafar fuqaroning nomiga ularning xabardorligisiz YaTTlar tashkil qilib, jami 513,2 mln so‘mlik imtiyozli kredit olishga erishib, ushbu mablag‘lar evaziga olingan tikuvchilik dastgohlarini sotib yuborib, davlat va jamiyat manfaatlariga juda ko‘p miqdorda zarar yetkazganligi aniqlangan.
departamentning Chortoq tuman bo‘limi tomonidan o‘tkazilgan tergovga qadar tekshiruvda esa, “B.G.” MChJ rahbari Z.B. va boshqalar bank filialidan “B.G.” MChJga maishiy texnikalar xarid qilish uchun ajratilgan 450 mln so‘mga texnikalarni xarid qilmasdan, o‘zlashtirish yo‘li bilan talon-toroj qilganliklari aniqlangan.
Shu kabi, departamentning Quvasoy shahar bo‘limi tomonidan o‘tkazilgan o‘tkazilgan tergovga qadar tekshiruvda, “Z.N.” dehqon xo‘jaligi rahbari G‘.A. va boshqalar hududiy tijorat banki mas'ul shaxslari bilan o‘zaro til biriktirib, 11 nafar fuqaroning nomiga issiqxona tashkil etish uchun ajratilgan 260,5 mln so‘m kreditni o‘zlashtirish yo‘li bilan talon-toroj qilganliklari aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)