Танзила Норбоева Шарм аш-Шайх шаҳрида ўтаётган БМТ Иқлим ўзгариши бўйича конференция доирасида Миср Сенати раиси Абдулваҳоб Абдуррозиқ билан учрашди.
Сенат матбуот хизмати хабарига кўра, учрашувда икки томонлама алоқаларга доир бир қатор масалалар, хусусан, савдо-иқтисодий, маданий гуманитар ҳамда парламент йўналишида фаол ҳамкорликни ривожлантириш масалалари муҳокама қилинди.
Танзила Норбоева парламентлараро алоқалар мамлакатлар ўртасидаги барча даражадаги алоқаларни ривожлантиришда муҳим механизмлардан бири ҳисобланишини таъкидлаб, Миср парламенти билан ўзаро ҳамкорликни ривожлантиришга, жумладан, олий даражада эришилган келишувларни амалга ошириш доирасидаги вазифаларнинг бориши устидан тизимли парламент назоратини ўрнатишга тайёрликни билдирди.
Томонлар аҳолининг ижтимоий эҳтиёжманд қатламлари, жумладан аёллар ва ёшларни ҳар томонлама қўллаб-қувватлаш масаласи икки мамлакатда ҳам давлат сиёсати даражасига кўтарилган устувор йўналишларидан бири эканлиги таъкидланди ҳамда мазкур йўналишларда ўзаро тажриба алмашиш ва ҳамкорликни йўлга қўйиш юзасидан фикр алмашди.
Маданий-гуманитар соҳадаги алоқаларга ҳам этибор қаратилди.
Мулоқот давомида томонлар ўртасидаги ҳамкорлик алоқаларини янада кенгайтириш ва ривожлантириш масалаларини тартибга солувчи «Йўл харитаси»ни ишлаб чиқиб, амалиётга татбиқ этишга келишиб олинди.
Мавзуга доир: Ўзбекистон Минтақавий иқлим кенгаши ташкил этишни таклиф қилди
Изоҳ (0)