2022-yil noyabr oyida O‘zbekistondan muzlatib quritilgan meva va rezavorlarning birinchi partiyasi Malayziya bozoriga 10 ming paketdan ortiq hajmda yetkazib berildi. Bu haqda EastFruit xabar bermoqda.
Bonaff Crunchy savdo belgisi ostidagi mahsulotlar assortimenti jami 7 turni, jumladan sublimatsiyalangan qovun, anjir, o‘rik va qadoqdagi qulupnayni o‘z ichiga oladi.
Yetkazib berish Sunny Land Products (O‘zbekiston) va Izdihar Souk Sdn Bhd (Malayziya) o‘rtasida tuzilgan eksport shartnomasi asosida amalga oshirildi.
Agentlik ma’lumotlariga ko‘ra, ushbu shartnoma 2022-yil avgust oyida Malayziyada o‘zbek mahsulotlari ko‘rgazmasi ochilishi chog‘ida imzolangan.
Malayziyaning Izdihar Souk Sdn Bhd kompaniyasi tijorat direktori Raymond Chongning so‘zlariga ko‘ra, O‘zbekiston mahsulotlari Malayziyadagi eng yirik savdo tarmoqlarida sotiladi.
Shuningdek, Malayziyaning mashhur Lazada va Shopeye elektron savdo maydonchalari orqali to‘g‘ridan-to‘g‘ri yakuniy iste’molchilarga yetkaziladi.
Ushbu mahsulotlarning navbatdagi partiyasini jo‘natish 2023-yil yanvariga mo‘ljallangan.
Avvalroq O‘zbekiston 10 oyda qancha meva-sabzavot eksport qilgani ma’lum bo‘lgani haqida xabar berilgandi.
Izoh (0)