2022 йил ноябрь ойида Ўзбекистондан музлатиб қуритилган мева ва резаворларнинг биринчи партияси Малайзия бозорига 10 минг пакетдан ортиқ ҳажмда етказиб берилди. Бу ҳақда EastFruit хабар бермоқда.
Bonaff Crunchy савдо белгиси остидаги маҳсулотлар ассортименти жами 7 турни, жумладан сублимацияланган қовун, анжир, ўрик ва қадоқдаги қулупнайни ўз ичига олади.
Етказиб бериш Sunny Land Products (Ўзбекистон) ва Izdihar Souk Sdn Bhd (Малайзия) ўртасида тузилган экспорт шартномаси асосида амалга оширилди.
Агентлик маълумотларига кўра, ушбу шартнома 2022 йил август ойида Малайзияда ўзбек маҳсулотлари кўргазмаси очилиши чоғида имзоланган.
Малайзиянинг Izdihar Souk Sdn Bhd компанияси тижорат директори Раймонд Чонгнинг сўзларига кўра, Ўзбекистон маҳсулотлари Малайзиядаги энг йирик савдо тармоқларида сотилади.
Шунингдек, Малайзиянинг машҳур Lazada ва Shopeye электрон савдо майдончалари орқали тўғридан-тўғри якуний истеъмолчиларга етказилади.
Ушбу маҳсулотларнинг навбатдаги партиясини жўнатиш 2023 йил январига мўлжалланган.
Аввалроқ Ўзбекистон 10 ойда қанча мева-сабзавот экспорт қилгани маълум бўлгани ҳақида хабар берилганди.
Изоҳ (0)