Ukraina Qurolli kuchlari harbiy xizmatchilari Yevropa Ittifoqi tomonidan e‘lon qilingan yangi loyiha doirasida Germaniyada malaka oshirishni boshlaydi. Bu haqda Deutsche Welle xabar berdi.
Xavfsizlik nuqtai nazaridan nemis rasmiylari ukrainalik harbiylar o‘qitiladigan aniq bazalarni ochiqlamayapti. Harbiy tayyorgarlikning bir qismi Polshada ham bo‘lib o‘tishi rejalashtirilgan. Yevropa Ittifoqi Ukraina Qurolli kuchlarining 15 mingga yaqin harbiy xizmatchisini tayyorlamoqchi.
11-noyabr kuni AQSH, Buyuk Britaniya va Avstraliya harbiylari Amerikaning Moxave cho‘lida (Kaliforniya) mashg‘ulotlar o‘tkazib, Yevropada Rossiya qo‘shinlariga qarshi jangovar harakatlar olib borishni mashq qildi. Project Convergence mashg‘ulotlari ikkita bosqichda o‘tkazilgan, dastlab Tinch okeani orolidagi faraziy qarama-qarshilik, so‘ng esa Yevropada quruqlikdagi urush mashq qilingan. Mashg‘ulotlar chog‘ida uchta mamlakat harbiylari yangi jangovar texnikani sinovdan ham o‘tkazgan.
Izoh (0)