Украина Қуролли кучлари ҳарбий хизматчилари Европа Иттифоқи томонидан эълон қилинган янги лойиҳа доирасида Германияда малака оширишни бошлайди. Бу ҳақда Deutsche Welle хабар берди.
Хавфсизлик нуқтаи назаридан немис расмийлари украиналик ҳарбийлар ўқитиладиган аниқ базаларни очиқламаяпти. Ҳарбий тайёргарликнинг бир қисми Польшада ҳам бўлиб ўтиши режалаштирилган. Европа Иттифоқи Украина Қуролли кучларининг 15 мингга яқин ҳарбий хизматчисини тайёрламоқчи.
11 ноябрь куни АҚШ, Буюк Британия ва Австралия ҳарбийлари Американинг Мохаве чўлида (Калифорния) машғулотлар ўтказиб, Европада Россия қўшинларига қарши жанговар ҳаракатлар олиб боришни машқ қилди. Project Convergence машғулотлари иккита босқичда ўтказилган, дастлаб Тинч океани оролидаги фаразий қарама-қаршилик, сўнг эса Европада қуруқликдаги уруш машқ қилинган. Машғулотлар чоғида учта мамлакат ҳарбийлари янги жанговар техникани синовдан ҳам ўтказган.
Изоҳ (0)