Farg‘ona viloyati Rishton tumanida tez yordam xodimi shifokorlar kunida kaltaklangani haqida xabar berilgandi. Viloyat ichki ishlar boshqarmasining ma’lum qilishicha, tibbiyot xodimini kaltaklagan shaxslarga nisbatan jinoyat ishi qo‘zg‘atildi.
Aniqlanishicha, 12-noyabr kuni soat 04:00 da Rishton tumani “Oqtomir” MFYda yashovchi fuqaro T.T. tuman tez tibbiy yordam bo‘limiga qo‘ng‘iroq qilib, otasi — 1942-yilda tug‘ilgan T.G‘.ning sog‘ligi yomonlashganini ma’lum qilgan.
Tez yordam xodimlari T.T.ning yashash xonadoniga borib, bemorga birinchi tibbiy yordam ko‘rsatib, uning qon bosimi ko‘tarilgani sababli tuman markaziy shifoxonasiga olib ketayotgan vaqtlarida bemor T.G‘. vafot etgan. Otasining vafot etganidan g‘azablangan T.T. va uning o‘g‘li G‘.X. tez yordam xodimi B.Z.ni urib, unga tan jarohati yetkazgan.
Mazkur holat yuzasidan tuman IIB huzuridagi tergov bo‘linmasi tomonidan Jinoyat kodeksining 277-moddasi (bezorilik) 1-qismi bilan jinoyat ishi qo‘zg‘atilib, hozirda tergov harakatlari olib borilmoqda.
Mavzuga doir:
Izoh (2)
Ярим соатда келишган,Ота вафот этган.
Мен хам урардим бундай ходимларни
Шифокорларни (тиббиёт ходимлари, шоферлари) уларни хизмат вазифаларини бажараётганларида калтакланишлари ҳақида тез тез маълумотларни ўқиб турамиз. Балки тиббиёт ходимлари орасида ўзининг хатти харакатлари билан (қўполлиги, ишига масъулятсизлиги ва ҳ.) бошқаларни ғазабини келтирадиганлари ҳам бордир!? Лекин бундай ҳолатни қонуний йўл билан ҳал қилиш лозим (суд орқали, юқори турувчи ваколатли ташкилоти орқали). Самосуд қилишга, уларни калтаклашга ва соғлигига зарар етказишга хеч кимга қонун тарафлама бундай ҳақ ҳуқуқ берилмаган. Бундай ҳатти харакатлари учун айбдор шаҳсларга нисбатан жуда КАТТА миқдорда молиявий ЖАРИМА ҚЎЛЛАШ ЛОЗИМ (КАМИДА 25-30,0 МЛН СЎМ МИҚДОРИДА) УЛАР ЕТКАЗГАН ЗАРАРНИ ҚПЛАГАНИДАН ТАШҚАРИ. Бошқача йўл билан бу нарсани тўхтатиш қийин. Дарвоқе, томонлар ўзаро келишиб бир-биридан узр сўраб ярашиб олишди деган модда умуман қўлланилмаслиги лозим. Буни Қонун ва тартибга солувчи меъёрий хужжатлар билан асослаб қўйиш керак.