Фарғона вилояти Риштон туманида тез ёрдам ходими шифокорлар кунида калтаклангани ҳақида хабар берилганди. Вилоят ички ишлар бошқармасининг маълум қилишича, тиббиёт ходимини калтаклаган шахсларга нисбатан жиноят иши қўзғатилди.
Аниқланишича, 12 ноябрь куни соат 04:00 да Риштон тумани «Оқтомир» МФЙда яшовчи фуқаро Т.Т. туман тез тиббий ёрдам бўлимига қўнғироқ қилиб, отаси — 1942 йилда туғилган Т.Ғ.нинг соғлиги ёмонлашганини маълум қилган.
Тез ёрдам ходимлари Т.Т.нинг яшаш хонадонига бориб, беморга биринчи тиббий ёрдам кўрсатиб, унинг қон босими кўтарилгани сабабли туман марказий шифохонасига олиб кетаётган вақтларида бемор Т.Ғ. вафот этган. Отасининг вафот этганидан ғазабланган Т.Т. ва унинг ўғли Ғ.Х. тез ёрдам ходими Б.З.ни уриб, унга тан жароҳати етказган.
Мазкур ҳолат юзасидан туман ИИБ ҳузуридаги тергов бўлинмаси томонидан Жиноят кодексининг 277-моддаси (безорилик) 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Мавзуга доир:
Изоҳ (2)
Ярим соатда келишган,Ота вафот этган.
Мен хам урардим бундай ходимларни
Шифокорларни (тиббиёт ходимлари, шоферлари) уларни хизмат вазифаларини бажараётганларида калтакланишлари ҳақида тез тез маълумотларни ўқиб турамиз. Балки тиббиёт ходимлари орасида ўзининг хатти харакатлари билан (қўполлиги, ишига масъулятсизлиги ва ҳ.) бошқаларни ғазабини келтирадиганлари ҳам бордир!? Лекин бундай ҳолатни қонуний йўл билан ҳал қилиш лозим (суд орқали, юқори турувчи ваколатли ташкилоти орқали). Самосуд қилишга, уларни калтаклашга ва соғлигига зарар етказишга хеч кимга қонун тарафлама бундай ҳақ ҳуқуқ берилмаган. Бундай ҳатти харакатлари учун айбдор шаҳсларга нисбатан жуда КАТТА миқдорда молиявий ЖАРИМА ҚЎЛЛАШ ЛОЗИМ (КАМИДА 25-30,0 МЛН СЎМ МИҚДОРИДА) УЛАР ЕТКАЗГАН ЗАРАРНИ ҚПЛАГАНИДАН ТАШҚАРИ. Бошқача йўл билан бу нарсани тўхтатиш қийин. Дарвоқе, томонлар ўзаро келишиб бир-биридан узр сўраб ярашиб олишди деган модда умуман қўлланилмаслиги лозим. Буни Қонун ва тартибга солувчи меъёрий хужжатлар билан асослаб қўйиш керак.