Valeriy Karpin: “Rossiya terma jamoasi O‘zbekiston va Tojikistondan kuchli emas”

Rossiya terma jamoasi bosh murabbiyi Valeriy Karpin Tojikiston va O‘zbekistonga qarshi o‘rtoqlik o‘yinlari oldidan o‘z fikrlari bilan o‘rtoqlashdi.

Shartnomani uzaytirgani haqida

Oldimga terma jamoani yaqin kelajakdagi o‘yinlarga tayyorlash vazifasi qo‘yildi. Katta futbolga qaytgan vaqtimiz imkoniyatimizni yetarli baholay olish uchun.

O‘tgan yig‘inda 10 nafar yangi futbolchi jalb qilingandi, bu safar 7-8 nafar. Seleksiya ishlari ketyapti, hozir bizda bunday imkoniyat bor.

O‘yinlarni Rossiyada o‘tkazish imkoniyati borasida

Tabiiyki, Rossiyada o‘ynashni biz ham xohlardik, biroq bu yerga hech kim kelmaydi.

O‘zbekiston va Tojikiston haqida

Biz O‘zbekiston va Tojikistondan kuchli emasmiz, ular bilan teng darajadagi jamoamiz. Men Malta va Kipr haqida ham shunday degandim, misol uchun. Biz kuchli emasmiz va ojiz ham emasmiz.

Osiyo mintaqasiga o‘tish borasida

Agar bu ro‘y bersa, demak ro‘y bergan bo‘ladi. Bu borada rahbariyat bilan gaplashmadim. Osiyo jamoalari rozi bo‘lgani uchun ular bilan o‘rtoqlik o‘yini o‘tkazyapmiz.

Men rozi bo‘larmidim? Boshqa variant bormi? Kutish? Qancha? Noma’lum? Mana javob. Unda keling Osiyoga o‘tamiz.

Valeriy Karpin, Rossiya terma jamoasi bosh murabbiyi

Mavzuga doir:

• Srechko Katanes: “Qozog‘istonga qarshi bahs ko‘pchilik uchun derbi va muhim o‘yin bo‘lishi mumkin, ammo men uchun navbatdagi odatiy o‘rtoqlik uchrashuvi”
• Qozog‘iston terma jamoasi bosh murabbiyi: “O‘zbekiston kabi kuchli raqibga qarshi o‘ynash biz uchun muhim”