Chiroyli sochlar ehtiyotkorlik bilan munosabatda bo‘lishni talab qiladi va uyda tayyorlanadigan niqoblar issiq quyosh nurlari va dengizdagi dam olishlaridan keyin sochingizni tartibga solishning eng tez va eng arzon usullaridan biri hisoblanadi. “Noviy ochag” nashri uyda oddiy mahsulotlardan tayyorlanadigan niqoblar ro‘yxatini taqdim etdi.
Soch uchun niqobni qanchalik tez qo‘llash kerak?
Soch uchun haftada bir marta niqob qilish kerak, biroq buni tez-tez takrorlamang. Kundalik parvarish bilan yaxshi natijaga erisha olmaysiz, shu bilan birga sochlaringizga vitaminlar va mikroelementlarni “ortiqcha yuklashingiz” mumkin. Aralashmani sochlaringizga qo‘llaganingizdan so‘ng, boshingizga dush shapkasini kiyishingiz va niqobni kamida 30 daqiqa davomida ushlab turishingiz kerak.
Avakado va zaytun moyidan soch uchun niqob
Bu niqobdan muntazam ravishda model Joan Smolls foydalanadi. Niqobni tayyorlash uchun bitta pishgan avakado, bir osh qoshiq zaytun moyi va 2 tuxum sarig‘i kerak bo‘ladi. Barcha mahsulotlarni aralashtirish, soch uzunligi va bosh aylanasi bo‘ylab surtish kerak. Niqobni 2-3 ta marta qo‘llaganingizdan keyin natijani sezasiz — sochlar jilokor ko‘rinishga ega bo‘ladi va namlanadi.
Tvorog va bodringdan tayyorlanadigan soch uchun niqob
Tvorog va bodringdan tayyorlanadigan soch uchun niqob namlovchi xususiyatga ega va shuning uchun quruq sochlarga juda mos keladi. Blenderda yog‘li tvorog va bitta tozalangan bodringni aralashtiring. Bodring namlanishga, kalsiyga boy tvorog esa oziqlanishiga yordam beradi. Bu vosita juda yengil ta’sir qiladi, shuning uchun uni haftada bir martadan emas, tez-tez bajarish mumkin.
Kivili niqob
Sochingizning uzunligiga qarab, sizga 1-2 ta pishgan kivi kerak bo‘ladi. Agar meva yetarlicha yumshoq bo‘lsa, qoshiq yoki qirg‘ich bilan maydalang. Qizig‘i shundaki, kivi — sochlarning erta oqarishining oldini oladigan yagona meva. Shuningdek, u E, C, B6, B9 vitaminlari va foliy kislotasiga boy.
Tuxum sarig‘i va asaldan tayyorlanadigan niqob
Tuxum sarig‘i va asaldan tayyorlanadigan niqob bir necha yillardan qo‘llaniladi. Ikkita tuxum sarig‘ini (ular tarkibida A, B, E, D vitaminlari, shuningdek, sog‘lom sochlar uchun zarur bo‘lgan lesitin mavjud) bir osh qoshiq asal bilan aralashtirishingiz kerak. Muhimi niqobni faqat sovuq suv bilan yuvishingiz kerak, aks holda tuxum sarig‘i burishadi va sochlaringizni bo‘laklardan tozalash oson bo‘lmaydi.
Xamirturushli niqob
Xamirturush haqiqatan ham sochlar uchun juda foydali, chunki u ko‘plab mikroelementlarga — sink, temir, marganets, kalsiy, B, D, PP guruhlari vitaminlariga boy. Sizga briketdagi novvoy xamirturushi kerak bo‘ladi (kamroq foydali moddalar quruq xamirturushda saqlanadi) — ularni kefir bilan atala holatiga suyultirib, soch va bosh terisiga surtish kerak.
Jelatinli niqob
Soch tolalarini tiklash va ularning jilokor ko‘rinishining ta’minlashning eng tez va kam pul ketadigan usuli — jelatinli niqob. Eng muhimi, rangsiz jelatin sotib oling. Ikki osh qoshiq jelatinni iliq suvga soling va uni qaynatib oling. So‘ngra jelatin to‘liq eriguncha hammomdagi suvda isitib oling. Uni ozgina sovitib tuxum sarig‘ini qo‘shing va sochlarga butun uzunligi bo‘ylab surting. Ushbu niqob yengil laminatsiya effektini beradi — siz mukammal silliqlikka erishasiz.
Aloe va asalli niqob
Aloening mo‘jizaviy xususiyatlari haqida eshitgansiz, bu o‘simlik tom ma’noda hamma narsa uchun foydali. Sochlar ham bundan mustasno emas — ikki osh qoshiq aloe sharbatini bir qoshiq tabiiy asal bilan aralashtirib, aralashmani bosh terisiga surting. Biroq, o‘simlikning sharbati shunchalik samaraliki, unga hech qanday mahsulotlar qo‘shmasdan sochlaringizga qo‘llashingiz mumkin.
Qizil ikradan tayyorlanadigan niqob
Model Tayra Benks bir marta ushbu retseptni o‘z muxlislari bilan baham ko‘rgan. Uning usuli sizga juda zamonaviy va qimmat ko‘rinmasin. Birinchidan, qizil ikra sochlar uchun foydali bo‘lgan elementlarga boy; ikkinchidan, uni faqat bosh terisiga qo‘llash kerak, shuning uchun sizga bir osh qoshiqdan ko‘p mahsulot kerak bo‘lmaydi. Ikra yaxshilab ezilgach, sochlarning ildizlariga surtiladi va 20-30 daqiqaga qoldiriladi. Ushbu niqob qon aylanishini yaxshilaydi va soch o‘sishiga yordam beradi.
Bananli niqob
Kaliy va B guruhi vitaminlariga boy banan nafaqat ovqatlanish uchun, balki sochga surtish uchun ham foydali. Bu niqob juda tez tayyorlanadi: bananni maydalang, bir qoshiq kokos moyi qo‘shing. Uni soch va bosh terisiga surting. Ta’sir birinchi muolajadan keyin sezilarli bo‘ladi — niqob oziqlantiradi, namlaydi va sochlarning sog‘lom bo‘lib jilokor ko‘rinishini ta’minlaydi.
Yog‘lar aralashmasidan tayyorlanadigan niqob
Jojoba, argan va bodom moylarini teng nisbatda aralashtirib, mikroto‘lqinli pechda yoki suv hammomida qizdiring. Undan haftada bir marta vitaminlarga boy niqob tayyorlang. Bu “barcha frontda” ishlaydi — moylar bosh terisini parvarish qiladi, soch yoriqlarini “yopishtiradi” va uni mayin qiladi.
Mavzuga doir:
Izoh (0)