Чиройли сочлар эҳтиёткорлик билан муносабатда бўлишни талаб қилади ва уйда тайёрланадиган ниқоблар иссиқ қуёш нурлари ва денгиздаги дам олишларидан кейин сочингизни тартибга солишнинг энг тез ва энг арзон усулларидан бири ҳисобланади. «Новий очаг» нашри уйда оддий маҳсулотлардан тайёрланадиган ниқоблар рўйхатини тақдим этди.
Соч учун ниқобни қанчалик тез қўллаш керак?
Соч учун ҳафтада бир марта ниқоб қилиш керак, бироқ буни тез-тез такрорламанг. Кундалик парвариш билан яхши натижага эриша олмайсиз, шу билан бирга сочларингизга витаминлар ва микроэлементларни «ортиқча юклашингиз» мумкин. Аралашмани сочларингизга қўллаганингиздан сўнг, бошингизга душ шапкасини кийишингиз ва ниқобни камида 30 дақиқа давомида ушлаб туришингиз керак.
Авакадо ва зайтун мойидан соч учун ниқоб
Бу ниқобдан мунтазам равишда модель Жоан Смоллс фойдаланади. Ниқобни тайёрлаш учун битта пишган авакадо, бир ош қошиқ зайтун мойи ва 2 тухум сариғи керак бўлади. Барча маҳсулотларни аралаштириш, соч узунлиги ва бош айланаси бўйлаб суртиш керак. Ниқобни 2-3 та марта қўллаганингиздан кейин натижани сезасиз — сочлар жилокор кўринишга эга бўлади ва намланади.
Творог ва бодрингдан тайёрланадиган соч учун ниқоб
Творог ва бодрингдан тайёрланадиган соч учун ниқоб намловчи хусусиятга эга ва шунинг учун қуруқ сочларга жуда мос келади. Блендерда ёғли творог ва битта тозаланган бодрингни аралаштиринг. Бодринг намланишга, кальцийга бой творог эса озиқланишига ёрдам беради. Бу восита жуда енгил таъсир қилади, шунинг учун уни ҳафтада бир мартадан эмас, тез-тез бажариш мумкин.
Кивили ниқоб
Сочингизнинг узунлигига қараб, сизга 1-2 та пишган киви керак бўлади. Агар мева етарлича юмшоқ бўлса, қошиқ ёки қирғич билан майдаланг. Қизиғи шундаки, киви — сочларнинг эрта оқаришининг олдини оладиган ягона мева. Шунингдек, у E, C, B6, B9 витаминлари ва фолий кислотасига бой.
Тухум сариғи ва асалдан тайёрланадиган ниқоб
Тухум сариғи ва асалдан тайёрланадиган ниқоб бир неча йиллардан қўлланилади. Иккита тухум сариғини (улар таркибида А, Б, Э, Д витаминлари, шунингдек, соғлом сочлар учун зарур бўлган леситин мавжуд) бир ош қошиқ асал билан аралаштиришингиз керак. Муҳими ниқобни фақат совуқ сув билан ювишингиз керак, акс ҳолда тухум сариғи буришади ва сочларингизни бўлаклардан тозалаш осон бўлмайди.
Хамиртурушли ниқоб
Хамиртуруш ҳақиқатан ҳам сочлар учун жуда фойдали, чунки у кўплаб микроэлементларга — синк, темир, марганец, кальций, Б, Д, ПП гуруҳлари витаминларига бой. Сизга брикетдаги новвой хамиртуруши керак бўлади (камроқ фойдали моддалар қуруқ хамиртурушда сақланади) — уларни кефир билан атала ҳолатига суюлтириб, соч ва бош терисига суртиш керак.
Желатинли ниқоб
Соч толаларини тиклаш ва уларнинг жилокор кўринишининг таъминлашнинг энг тез ва кам пул кетадиган усули — желатинли ниқоб. Энг муҳими, рангсиз желатин сотиб олинг. Икки ош қошиқ желатинни илиқ сувга солинг ва уни қайнатиб олинг. Сўнгра желатин тўлиқ эригунча ҳаммомдаги сувда иситиб олинг. Уни озгина совитиб тухум сариғини қўшинг ва сочларга бутун узунлиги бўйлаб суртинг. Ушбу ниқоб енгил ламинация эффектини беради — сиз мукаммал силлиқликка эришасиз.
Алоэ ва асалли ниқоб
Алоэнинг мўъжизавий хусусиятлари ҳақида эшитгансиз, бу ўсимлик том маънода ҳамма нарса учун фойдали. Сочлар ҳам бундан мустасно эмас — икки ош қошиқ алоэ шарбатини бир қошиқ табиий асал билан аралаштириб, аралашмани бош терисига суртинг. Бироқ, ўсимликнинг шарбати шунчалик самаралики, унга ҳеч қандай маҳсулотлар қўшмасдан сочларингизга қўллашингиз мумкин.
Қизил икрадан тайёрланадиган ниқоб
Модель Тайра Бенкс бир марта ушбу рецептни ўз мухлислари билан баҳам кўрган. Унинг усули сизга жуда замонавий ва қиммат кўринмасин. Биринчидан, қизил икра сочлар учун фойдали бўлган элементларга бой; иккинчидан, уни фақат бош терисига қўллаш керак, шунинг учун сизга бир ош қошиқдан кўп маҳсулот керак бўлмайди. Икра яхшилаб эзилгач, сочларнинг илдизларига суртилади ва 20-30 дақиқага қолдирилади. Ушбу ниқоб қон айланишини яхшилайди ва соч ўсишига ёрдам беради.
Бананли ниқоб
Калий ва B гуруҳи витаминларига бой банан нафақат овқатланиш учун, балки сочга суртиш учун ҳам фойдали. Бу ниқоб жуда тез тайёрланади: бананни майдаланг, бир қошиқ кокос мойи қўшинг. Уни соч ва бош терисига суртинг. Таъсир биринчи муолажадан кейин сезиларли бўлади — ниқоб озиқлантиради, намлайди ва сочларнинг соғлом бўлиб жилокор кўринишини таъминлайди.
Ёғлар аралашмасидан тайёрланадиган ниқоб
Жожоба, арган ва бодом мойларини тенг нисбатда аралаштириб, микротўлқинли печда ёки сув ҳаммомида қиздиринг. Ундан ҳафтада бир марта витаминларга бой ниқоб тайёрланг. Бу «барча фронтда» ишлайди — мойлар бош терисини парвариш қилади, соч ёриқларини «ёпиштиради» ва уни майин қилади.
Мавзуга доир:
Изоҳ (0)