Kuz fasli boshlanishi bilan bolalar yana maktabga va to‘garaklarga borishadi. Bunday holatda butun dunyodagi onalarni o‘ylantiradigan savollar bor: bolaning kun davomida faol va yaxshi kayfiyatda bo‘lishiga qanday yordam berish kerak? Qo‘l bilan yeyish mumkin bo‘lgan mazali va foydali taomni qanday tayyorlash mumkin? Bu masalaning yechimi bor, Wday nashri farzandingiz o‘zi bilan maktabga olib borishi mumkin bo‘lgan taomlar ro‘yxatini taqdim etdi.
Lavashli roll
Lavashli roll mazali, foydali, oson tayyorlanadigan yegulik hisoblanadi. Oddiy arman lavashini tovuq go‘shti, indeyka, bodring, qattiq pishloq, pomidor va salat va boshqa masalliqlardan — hamma mahsulotlarni bolangizning ta’biga qarab tayyorlashingiz mumkin. Yegulikning yanada mazali bo‘lishi uchun sous sifatida smetana yoki turli xil ziravorlarni ishlatishingiz mumkin.
Mevalardan tayyorlangan chipslar (quritilgan mevalar)
Bu yegulik farzandini meva yeyishga ko‘ndira olmaydigan onalar tomonidan qo‘llaniladi. Farzandingiz olmani emas, olma chipslarini yeyishi mumkin.
Mevalarni ingichka bo‘laklarga kesib oling va pergament qog‘oziga qo‘ying. Shundan keyin ularni listga qo‘yib 200 daraja haroratda oldindan qizdirilgan pechga qo‘ying. Eng muhimi, mevalarni diqqat bilan kuzatib borish, ular turli xil vaqtlarda pishiriladi. Olma va nok 30 daqiqada, biroq banan 1,5 soatda quriydi.
Tvorojniki
Hamma sevgan pishiriqlar — tvorojnikilarni nafaqat nonushtaga tayyorlash, balki farzandlaringiz maktabga olib borishi mumkin. Shirinliklar sovib qolsa ham mazali bo‘ladi va ularni qo‘l bilan iste’mol qilish mumkin.
Mukammal tvorojnikilarni tayyorlash uchun: 200 g tvorog, bir qoshiq shakar, bitta tuxum, 2-3 osh qoshiq un kerak bo‘ladi. Barcha mahsulotlarni yaxshilab aralashtiring va to‘pchalar hosil qiling. Tovaga bir oz kungaboqar yog‘ini quying va past olovda yeguliklarni qovuring. Agar istasangiz tvorog massasiga ikki qoshiq makkajo‘xori unini qo‘shishingiz mumkin va ular yanada mazali bo‘lib chiqadi.
Donli batonlar
Uyda tayyorlangan myussli yoki donli batonlar maktabda tez ovqatlanish uchun ajoyib imkoniyat hisoblanadi. Chuqur idishda makkajo‘xori uni, quritilgan mevalarni (mayiz, quritilgan o‘rik, olxo‘ri) va kungaboqar, qovoq pistalarini aralashtiring. Quruq mahsulotlarga bir necha osh qoshiq asal qo‘shing, shunda ular bir-biriga yaxshiroq yopishadi. Keyin massani listga teng ravishda taqsimlang va 1-1,5 sm kenglikdagi bo‘laklarga kesib oling. Donli batonlarni isitilgan pechga 15-20 daqiqaga qo‘ying.
Buterbrod
Buterbrod dunyodagi eng oddiy va oson tayyorlanadigan taomga o‘xshaydi. Yegulik uchun dondan tayyorlangan nonni yoki javdar nonini tanlagan ma’qul, u klechatkaga boy va oq nonga qaraganda kamroq shakarni o‘z ichiga oladi. Buterbrodning ichiga tovuq filesi, sabzavot, salat, qattiq pishloq yoki hatto mevalar (masalan, banan) ni ham ishlatishingiz mumkin.
Pishloqli issiq sendvich
Pishloqli issiq sendvichni tayyorlash javdar nonni uchburchak shaklida kesib oling va ichiga ikki bo‘lak yaxshi eriydigan pishloqni qo‘ying. Sendvichni 5-10 daqiqa davomida pechga qo‘ying.
Yong‘oq pastasidan tayyorlanadigan sendvich
Birinchi navbatda donli non bo‘laklarini toster yoki pechda yengil qarsillaguncha quriting. Keyin esa ularning ustiga yeryong‘oq pastasini surting. Buni o‘zingiz qilishingiz mumkin.
Yong‘oqli pastani tayyorlash uchun yong‘oqni po‘stlog‘idan tozalang, bir choy qoshiq shakar, ozgina kungaboqar yog‘i qo‘shing va bir xil massa hosil bo‘lguncha hamma narsani blenderda aralashtiring. Shuningdek, pastani do‘kondan sotib olishingiz mumkin, bu yerda tarkibiga alohida e’tibor berish kerak: unda shakar yoki boshqa qo‘shimchalar (masalan, kakao yoki shokolad) bo‘lmasligi kerak.
Makkajo‘xori unidan tayyorlanadigan shirinlik
Makkajo‘xori uni qo‘shib tayyorlanadigan shirinlikni uyda pishirishingiz yoki tarkibini o‘rgangan holda do‘kondan sotib olishingiz mumkin. Pishiriqni tayyorlash uchun 100 g sariyog‘, 150 g smetana, bitta tuxum, bir stakan shakar, bir qoshiq asal va 200 g makkajo‘xori unini aralashtiramiz. Bu mahsulotlarga 200 g bug‘doy uni va yarim choy qoshiq sodani ham qo‘shing. Olingan massadan to‘pchalarni hosil qiling va pechga 10-15 daqiqaga qo‘ying.
Tvorogli pechenye
Tvorogli pechenyelarni tayyorlash uchun 250 g tvorog, 100 g sariyog‘, 250 g un va 10 g pishirish kukuni kerak bo‘ladi. Mahsulotlarni aralashtirib xamir qiling. Uni 0,5 sm qalinlikda yoyib, stakan yordamida doira shaklidagi xamir bo‘laklarini hosil qiling. Likopchaga shakar soling va kesilgan doirani bir tomonga aylantiring. Xamirning shakarga burkalgan qismini ichkariga qaratib ikkiga bo‘ling va yarim doiraning bir tomonini yana o‘rang va yana yarmiga shakar soling. Shirinlikni pechda 20-25 daqiqa davomida pishiring va bu pechenyelarni farzandingiz maktabda iste’mol qilishi mumkin.
Yogurt
Farzandingiz bir daqiqa ham o‘tirolmaydigan, harakatchan bo‘lsa unga trubochka yordamida ichish mumkin bo‘lgan yogurtlarni bering. Yogurtni farzandingizning ryukzagiga solib qo‘ying, u ichimlikni yo‘lda ham ichishi mumkin.
Mavzuga doir:
Izoh (0)