Toshkent viloyatidagi Angren issiqlik elektr stansiyasining energoblokida 13-noyabr kuni nosozlik yuzaga keldi, deb xabar bermoqda Energetika vazirligi matbuot xizmati.
Vazirlik rahbariyati ushbu nosozlikni bartaraf etish ishlarini jadallashtirish maqsadida zudlik bilan mazkur stansiyaga yetib borgan. Nosozlikni bartaraf etish bo‘yicha maxsus brigada tashkil etilgan va ishlarni jadallashtirish bo‘yicha tegishli topshiriqlar berilgan.
Aniqlanishicha, soat 15:14 da Angren IESning 10-sonli energoblok qozonidagi quvurlar yorilishi natijasida mazkur energoblok rejadan tashqari to‘xtatilgan.
Hozirda maxsus ta’mirlash brigadasi tomonidan qozondagi nosozlikni bartaraf etish ishlari jadallik bilan olib borilmoqda. Ta’mirlash ishlari qisqa vaqt ichida yakunlanadi va shaharga issiqlik energiyasi yetkazib berilishi qayta tiklanadi.
Angren IES rahbariyatidan olingan ma’lumotga ko‘ra, ta’mirlash ishlari 15-noyabr kuni soat 18:00 gacha davom etadi.
Izoh (0)