O‘zbekiston Tashqi ishlar vazirligida Shveysariya elchisi Konstantin Obolenskiy bilan uchrashuv bo‘lib o‘tdi, deb xabar bermoqda “Dunyo” axborot agentligi.
Qayd etilishicha, O‘zbekiston—Shveysariya munosabatlarini rivojlantirish masalalari, rejalashtirilayotgan qo‘shma tadbirlar, shuningdek, ikki davlat o‘rtasida ishlab chiqilayotgan kelishuvlar loyihalari muhokama qilingan.
O‘zaro manfaatli aloqalarni mustahkamlash, siyosiy, savdo-iqtisodiy va madaniy-gumanitar sohalardagi hamkorlikni faollashtirish muhimligi ta’kidlangan.
Tomonlar 17—19-noyabr kunlari Toshkentda O‘zbekiston ishbilarmon doiralari va Shveysariya kompaniyalari vakillari ishtirokida o‘tkaziladigan Shveysariya kunlariga tayyorgarlik masalalarini ko‘rib chiqqan.
Uchrashuv yakunlari bo‘yicha turli yo‘nalishlarda, xususan, parlamentlararo hamkorlik va sarmoya kiritish sohasida aloqalarni kengaytirish bo‘yicha kelishuvga erishilgan.
Izoh (0)