Ўзбекистон Ташқи ишлар вазирлигида Швейцария элчиси Константин Оболенский билан учрашув бўлиб ўтди, деб хабар бермоқда «Дунё» ахборот агентлиги.
Қайд этилишича, Ўзбекистон—Швейцария муносабатларини ривожлантириш масалалари, режалаштирилаётган қўшма тадбирлар, шунингдек, икки давлат ўртасида ишлаб чиқилаётган келишувлар лойиҳалари муҳокама қилинган.
Ўзаро манфаатли алоқаларни мустаҳкамлаш, сиёсий, савдо-иқтисодий ва маданий-гуманитар соҳалардаги ҳамкорликни фаоллаштириш муҳимлиги таъкидланган.
Томонлар 17—19 ноябрь кунлари Тошкентда Ўзбекистон ишбилармон доиралари ва Швейцария компаниялари вакиллари иштирокида ўтказиладиган Швейцария кунларига тайёргарлик масалаларини кўриб чиққан.
Учрашув якунлари бўйича турли йўналишларда, хусусан, парламентлараро ҳамкорлик ва сармоя киритиш соҳасида алоқаларни кенгайтириш бўйича келишувга эришилган.
Изоҳ (0)