Toshkentda 13-noyabr kuni 5 ta ko‘cha yopiladi

Toshkent shahrida 13-noyabr kuni yugurish tadbirlari o‘tkazilishi munosabati bilan bir qator ko‘chalarda harakat cheklanadi. Bu haqda shahar Ichki ishlar bosh boshqarmasi xabar qildi.

Qayd etilishicha, Davlat bayrog‘i kuni munosabati bilan joriy yilning 13-noyabr kuni Toshkent shahrining 3 ta hududida (Yangi O‘zbekiston bog‘i, Humo Arena, Ashxobod bog‘i) “Yangi nafas” yugurish sport tadbirlari o‘tkaziladi. Shuning hisobiga quyidagi ko‘chalarida avtotransport vositalarining harakatlari vaqtincha cheklanadi:

• Afrosiyob ko‘chasi – Islom Karimov shohko‘chasi bilan kesishgan chorrahadan Beshyog‘och ko‘chasi bilan kesishgan chorrahagacha;

• Afrosiyob ko‘chasi – Islom Karimov shohko‘chasi bilan kesishgan chorrahadan Sharof Rashidov shohko‘chasi bilan kesishgan chorrahagacha;
• Sharof Rashidov shohko‘chasi – Afrosiyob ko‘chasi bilan kesishgan chorrahadan Islom Karimov shohko‘chasi bilan kesishgan chorrahagacha;
• Islom Karimov shohko‘chasi – Sharof Rashidov shohko‘chasi bilan kesishgan chorrahadan Afrosiyob ko‘chasi bilan kesishgan chorrahagacha;

• Yangi O‘zbekiston ko‘chasining bir qismi (Toshkent shahriga kirish qismi), shuningdek, soat 8:30 dan 11:00 gacha Toshkent viloyati tomoniga birinchi qayrilish joyidan Yangi O‘zbekiston bog‘ining oldigacha.

“Haydovchilardan aylanma yo‘llardan foydalanishlarini so‘rab qolamiz va noqulayliklar uchun uzr so‘raymiz”, — deyiladi xabarda.