MIB Namangan shahar bo‘limida tarkibida psixotrop moddalar bo‘lgan dori vositalari yo‘q qilindi. Bu haqda “Daryo” muxbiri Azizbek Abduvaliyev xabar bermoqda.
Namanganda bir guruh shaxslar yashirin yo‘llar orqali jami 1239 dona kuchli ta’sir etuvchi “Tropikamid” dori vositasini olib o‘tishga uringan payt ushlangandi. Ulardan ashyoviy dalil sifatida olingan 61 million so‘mlik dori vositalari tarkibida psixotrop moddalar bor deb topildi.
Sud hukmi bilan ayblanuvchilarga tegishli jazo tayinlangan va ashyoviy dalil sifatida olingan mahsulotlarni yo‘q qilish belgilangan edi. MIB xodimlari tomonidan dori vositalari yoqib yuborildi va shu tariqa sud hujjatining ijrosi yakunlandi.
Mavzuga doir: Namanganda noqonuniy olib kirilgan 541 mln so‘mlik dori vositalari yoqib yuborildi
Izoh (0)