FTX birjasidan investorlar mablag‘larining ommaviy ravishda olib ketilishi fonida bitkoin narxi ikki yillik eng past darajaga tushdi. Bu haqda CoinDesk portalidagi ma’lumotlarda keltiriladi.
Oxirgi marta kriptovalyuta kotirovkalari 2020-yil noyabr oyi boshida xuddi shunday darajada bo‘lgan edi.
CoinDesk portalidagi ma’lumotlariga ko‘ra, 10-noyabr boshida bitkoin narxi 15 582 dollargacha tushib ketgan. Mutaxassislar kelgusi yil boshida kriptovalyutaga talabning tiklanishini taxmin qilmoqda.
Toshkent vaqti bilan soat 10:30 dunyodagi eng yirik kriptovalyutaning narxi 16 572 dollar bo‘lib turibdi.
O‘tgan hafta davomida FTX birjasi foydalanuvchilari birjadan jami 6 milliard dollarlik kriptovalyutalarni olib chiqib ketdi.
Bitkoinning bozor qiymati avgust o‘rtalarida 500 mlrd dollardan yuqori bo‘lib turgandi. Ayni paytda bu ko‘rsatkich 318 mlrd dollarga teng.
2021-yil noyabr oyida kriptovalyuta narxi 69 ming dollargacha ko‘tarilgan edi.
Izoh (0)