Bugun,

  • USD 11095.31
  • RUB 173.84
  • EUR 10772.44

Vashingtonda O‘zbekiston adliya vaziri Ruslanbek Davletov va tashqi ishlar vaziri o‘rinbosari Furqat Siddiqov boshchiligidagi delegatsiya tashrifi doirasida Oq uy va AQSH Davlat departamentining yuqori martabali vakillari bilan muzokaralar o‘tkazildi, deb xabar bermoqda “Dunyo” AA.

Foto: “Dunyo” AA

Foto: “Dunyo” AA

AQSH prezidentining maxsus yordamchisi Erik Grin bilan uchrashuvda O‘zbekistonda davlat boshqaruvi tizimi samaradorligini oshirish sohasida amalga oshirilayotgan islohotlar, qonunchilikni liberallashtirish jarayoni, shuningdek, sud-huquq islohotlarini ilgari surish chora-tadbirlari xususida so‘z yuritilgan.

Erik Grin O‘zbekiston—AQSH munosabatlarining bugungi darajasini yuqori baholadi. U o‘zaro hamkorlik ko‘plab ustuvor yo‘nalishlarda ochiq va konstruktiv muloqotning o‘ziga xos dinamikasi bilan ajralib turganini ta’kidladi. AQSH Markaziy Osiyodagi integratsiya jarayonlarini, shuningdek, savdo-iqtisodiy rivojlanishni kengaytirish, mintaqaning energiya xavfsizligini mustahkamlashni qo‘llab-quvvatlashi qayd etilgan.

Davlat kotibining Janubiy va Markaziy Osiyo bo‘yicha yordamchisi Donald Lu bilan uchrashuvda qonun ustuvorligini ta’minlash sohasidagi hamkorlikning bugungi holati, inson huquqlari himoyasini ta’minlash bilan bog‘liq masalalar ko‘rib chiqilgan. Donald Lu Amerika tomonining ushbu sohalarda amalga oshirilayotgan islohotlarni qo‘llab-quvvatlash, jumladan, maslahat va texnik yordam ko‘rsatishga sodiqligini ta’kidlagan.

O‘zbekiston delegatsiyasining AQSH Davlat departamentining Afg‘oniston bo‘yicha maxsus vakili Tomas Vest bilan uchrashuvida Afg‘onistondagi vaziyatni barqarorlashtirish doirasidagi hamkorlikni yanada chuqurlashtirish istiqbollari muhokama qilingan.

Foto: “Dunyo” AA

Foto: “Dunyo” AA

Maxsus vakil O‘zbekiston Afg‘onistondagi vaziyatni hal qilishda muhim rol o‘ynayotganini ta’kidlagan. Diplomat joriy yil iyul oyida Toshkentda bo‘lib o‘tgan Afg‘oniston bo‘yicha xalqaro konferensiya natijalarini yuqori baholab, O‘zbekiston AQSH qo‘shinlari Afg‘onistondan olib chiqib ketilganidan keyin birinchi marta barcha manfaatdor davlatlar va tomonlar vakillarini bir davrada to‘plashga muvaffaq bo‘lganini urg‘ulagan.

Oq uy va Davlat departamenti vakillari bilan bo‘lib o‘tgan uchrashuv va muzokaralarda ikki tomonlama va mintaqaviy sheriklik sohasidagi hamkorlikda erishilgan yutuqlar mamnuniyat bilan qayd etilgan, shuningdek, tomonlar ikki davlat o‘rtasidagi strategik sheriklikni faol rivojlantirishga o‘zaro tayyor ekanligini bildirgan.

Izoh
Asosiy yangiliklar
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi