Islom dini va musulmonlar haqida foydali va ruhlantiruvchi maqolalar, videolar, podkastlar berib boradigan IlmFeed nashri (Buyuk Britaniya) O‘zbekistonga qilingan safardan taassurotlar bilan bo‘lishdi. “O‘zbekistonga tashrif buyurish kerakmi?” deb nomlangan tred ostida mamlakatning shaharlari va odamlaridan tortib, tarixi va dinigacha bo‘lgan jihatlariga alohida to‘xtalib o‘tilgan.
Xususan, transport haqida gapirayotib, poyezdlar harakatiga yuqori baho berilgan, shuningdek, aeroportlar va temir yo‘l stansiyalari namoz o‘qish uchun sharoitlar bilan ta’minlangani qayd etilgan.
City vibes: The cities feel very safe and locals told me they don't feel unsafe walking outside at night. The main roads are very well maintained and clean. There's literally no trash that can be seen. The main cities are well developed and modern. pic.twitter.com/ZLssRXRaU3
— ilmfeed (@IlmFeed) November 7, 2022
Shaharlarning xavfsizligi, asosiy ko‘chalarning toza-ozodaligi ta’kidlab o‘tilgan. “Tom ma’noda birorta ham axlat ko‘rmadik. Asosiy shaharlar yaxshi rivojlantirilgan va zamonaviydir”, — deyiladi xabarda.
“O‘zbekistonliklar juda xushmuomala va mehmondo‘st ekan, odobi kuchli ekan. Ular sayyohlarni ko‘rib xursand bo‘ladi va har fursatda ularga salom beradi”, — deya mahalliy odamlar haqida fikr bildirilgan va qo‘lni ko‘ksiga qo‘yib salomlashish odati alohida tilga olingan.
History: Uzbekistan is full of Islamic history and has numerous landmarks and monuments. The mosques and madrassahs are breathtaking. Photos don't do justice. You have to experience it for yourself. pic.twitter.com/fQuaXquh4D
— ilmfeed (@IlmFeed) November 7, 2022
Xabarda islom dinining O‘zbekistondagi o‘rniga to‘xtalib o‘tilgan, u yaqin vaqtlardan buyon mamlakatda qaytadan gullab-yashnayotgani aytilgan. Shuningdek, O‘zbekiston boy islomiy tarixga ega ekanligi, yodgorliklar ko‘pligi ta’kidlangan.
Milliy taomlar haqida ularning mazali ekani bilan birga, Eron va Afg‘oniston taomlariga o‘xshashligi qayd etilgan. Ot go‘shtidan yeguliklar borligiga to‘xtalib o‘tilgan.
Food: There are plenty of halal restaurants which do not serve alcohol. Traditional Uzbek food is delicious and can be described as something in between Persian and Afghan food. They also serve horse meat if you wanted to give it a try 🐴👀. pic.twitter.com/neITQJ8TKe
— ilmfeed (@IlmFeed) November 7, 2022
“Xulosa qilib aytganda, O‘zbekistonga tashrif buyurishni orzu-istaklaringiz ro‘yxatiga qo‘shib qo‘yishni albatta tavsiya qilgan bo‘lardik. Imom al-Buxoriy butun musulmon ummatiga mashhur, lekin u tug‘ilgan mamlakat haligacha nisbatan tanilmagan. O‘zbekistonliklar yanada ko‘proq sayyohlar kelishini jon-dildan istaydi va ularni quchoq ochib kutib oladi”, — deya xulosa yasalgan xabarga.
Izoh (0)