Qozog‘iston parlamenti fuqarolik taqdim etilishi to‘g‘risidagi qonunga tuzatishlar ishlab chiqdi, ularga muvofiq, ariza beruvchining qozoq tilini bilmasligi unga rad javobi berilishi uchun asos bo‘lib xizmat qilishi mumkin. Bu haqda mamlakat bosh vaziri Alixon Smoilov rossiyalik muhojirlar bilan bog‘liq vaziyatdan xavotirda bo‘lgan deputatlarning so‘roviga javoban ma’lum qildi.
“Ayni paytda ‘Qozog‘iston Respublikasi fuqaroligi to‘g‘risida’gi qonunga tuzatishlar ishlab chiqilgan, ularda davlat tilini, tarix asoslarini va milliy qonunchilikni bilmaslik fuqarolikka qabul qilishni va fuqarolikni qayta tiklashni rad etishda qo‘shimcha asoslar sifatida ko‘zda tutiladi”, — dedi Vazirlar mahkamasi rahbari. Bundan tashqari, hujjatda qo‘sh fuqarolik holatlariga yo‘l qo‘ymaslikka qaratilgan tuzatishlar ham bor.
Shuningdek, Alixon Smoilov mamlakatga kelayotgan rossiyaliklar soni barqarorlashib, normal holatga qaytganini ma’lum qildi.
Oktabr oyida Rossiyadan Qozog‘istonga kelgan fuqarolar soni 65 foizga kamaydi. Bu raqam Smoilovning Qozog‘istondagi rossiyaliklar soniga aniqlik kiritishni so‘ragan deputatlarning oktabr oyidagi murojaatiga bergan javobida keltirilgan.
Rossiya federal xavfsizlik xizmati ma’lumotlariga ko‘ra, noyabr oyi boshida Qozog‘iston rossiyaliklarning ketishi uchun eng mashhur yo‘nalishlar uchligiga kirdi. Iyul-sentyabr oylarida deyarli 1,3 million kishi Rossiyadan Qozog‘istonga o‘tgan.
Mavzuga doir:
Izoh (0)