AQSHda Kongressga saylovlarda ovoz beriladigan asosiy kun boshlandi. Mahalliy vaqt bilan tonggi 5 da (Toshkent vaqti bilan 15:00) Vermont shtatidagi ba’zi uchastkalar ochila boshladi, deb yozadi Meduza.
Ovoz berish orqali amerikaliklar Vakillar palatasini to‘liq, Senat a’zolarining esa 100 nafaridan 35 nafarini qayta saylaydi.
Kongressga saylovlardan tashqari, 36 ta shtatda va AQSHning uchta dengiz orti hududida gubernatorlar saylovlari bo‘lib o‘tadi; 46 ta shtatda qonun chiqaruvchi majlislar to‘liq yoki qisman qayta saylanadi.
42 milliondan ortiq saylovchilar asosiy uchastkalar ochilmasidan avvalroq pochta orqali ovoz berib bo‘lgan.
Eng oxirgi bo‘lib Alyaskadagi saylov uchastkalari yopiladi (Toshkent vaqti bilan 9-noyabr ertalab 11 da).
Ayni paytda Vakillar palatasida ko‘pchilik o‘rin — demokratlarda, Senatda respublikachilar 50 ta, demokratlar esa 48 ta o‘ringa ega (yana ikkita o‘rinni mustaqil siyosatchilar egallagan bo‘lib, ular ko‘pincha demokratlarni qo‘llab-quvvatlaydi). Prognozlarga ko‘ra, yangi saylovlar natijasida, katta ehtimol bilan, respublikachilar Kongressning ikkala palatasida ham ko‘pchilik o‘rinni qo‘lga kiritadi.
Izoh (0)