5 ноябрь куни Жануби-ғарбий махсус ҳарбий округ тасарруфидаги Термиз умумқўшин дала полигонида тузилмаларнинг Қуруқликдаги қўшинлар ҳаво ҳужумидан мудофаа бўлинмалари билан ўқув-услубий йиғин бошланди. Бу ҳақда Мудофаа вазирлиги хабар қилди.
Қайд этилишича, дастлаб йиғин иштирокчиларининг машғулотларга тайёргарлиги, хусусан, уларнинг қурол-яроғлари, юк қоплари, командирлик сумкалари ва ҳужжатлари кўрикдан ўтказилган. Шунингдек, ҳарбий хизматчиларга махсус ва техник ҳамда жисмоний тайёргарлик жараёнларини янгича усулларда олиб бориш юзасидан тегишли кўрсатмалар берилган.
«Мазкур дала ўқув йиғинида ҳарбий хизматчилар мавжуд тажрибаларини мукаммаллаштириб, жанговар ҳаракатларни ташкил этишда эгаллаган билим ва кўникмаларини мустаҳкамлайди», — дейилади хабарда.
Йиғин жорий йилнинг 16 ноябрь кунига қадар давом этади.
Изоҳ (0)