Futbol bo‘yicha Angliya Premyer Ligasining 15-turida “Chelsi” va “Arsenal” jamoalari 6-noyabr, yakshanba kuni o‘zaro bahs yuritdi.
Uchrashuvning birinchi bo‘limida hisob ochilmadi. 63-daqiqada Gabriel Magalyaes “Arsenal”ni oldinga olib chiqdi. Ushbu gol o‘yinda yagonaligini saqlab qoldi.
Mazkur g‘alaba orqali Mikel Arteta jamoasining ochkolari 34 taga yetdi va “kanonirlar” hamon musobaqa peshqadamligini saqlab turibdi. “Chelsi” esa 21 ochko bilan 7-pog‘onani band etgan.
APL
15-tur bahsi
6-noyabr, yakshanba
“Chelsi” — “Arsenal” 0:1
Gol: 0:1 – 63 Gabriel.“Chelsi”: Mendi, Aspilikueta, Tiago Silva, Chaloba, Kukurelya, Jorjinyo, Loftus-Chik (Kovachich, 78), Maunt (Pulishich, 78), Haverts (Gallaher, 64), Obameyang (Broya, 64), Sterling.
“Arsenal”: Remsdeyl, Uayt, Gabriel, Saliba, Zinchenko (Tirni, 78), Jaka, Parti, Edegor (an-Nenni, 87), Saka, Gabriel Jezus, Martinelli.
Ogohlantirishlar: Obameyang (27), Saka (42), Aspilikueta (51), Chaloba (60), Uayt (80), Gallaher (85), Sterling (89).
Izoh (0)