2-noyabr kuni O‘zbekiston bo‘ylab Telegram messenjeri faoliyatida uzilishlar kuzatilayotgani haqida xabar berilgandi. Axborot texnologiyalari va kommunikatsiyalarini rivojlantirish vazirligi holatga munosabat bildirdi.
Qayd etilishicha, messenjerga ulanishdagi muammolar Telegram’ning O‘zbekistonda bloklanganini anglatmaydi.
“Xavotirlanishga o‘rin yo‘q”, — deyiladi AKT vazirligi xabarida.
Avvalroq Telegram Qo‘llab-quvvatlash markazi vakili muammo Telegram tarafidan yuz bermaganini ma’lum qilmagandi.
Messenjer orqali mediaxabarlar, xususan, video va foto ma’lumotlar yuklash imkoniyati cheklangandi. Ammo VPN’dan foydalanilganda bu muammo kuzatilmagan.
2-noyabr kuni soat 20:45 holatiga Telegram’ga kirishdagi nosozlik bartaraf etilgan, ilova barqaror faoliyat ko‘rsatmoqda.
Izoh (0)