«Хавотирга ўрин йўқ». АКТ вазирлиги Telegram блокланмаганини маълум қилди

2 ноябрь куни Ўзбекистон бўйлаб Telegram мессенжери фаолиятида узилишлар кузатилаётгани ҳақида хабар берилганди. Ахборот технологиялари ва коммуникацияларини ривожлантириш вазирлиги ҳолатга муносабат билдирди.

Қайд этилишича, мессенжерга уланишдаги муаммолар Telegram’нинг Ўзбекистонда блокланганини англатмайди.

«Хавотирланишга ўрин йўқ», — дейилади АКТ вазирлиги хабарида.

Аввалроқ Telegram Қўллаб-қувватлаш маркази вакили муаммо Telegram тарафидан юз бермаганини маълум қилмаганди.

Мессенжер орқали медиахабарлар, хусусан, видео ва фото маълумотлар юклаш имконияти чекланганди. Аммо VPN’дан фойдаланилганда бу муаммо кузатилмаган.

2 ноябрь куни соат 20:45 ҳолатига Telegram’га киришдаги носозлик бартараф этилган, илова барқарор фаолият кўрсатмоқда.