Ўзбекистонда тахминан 11 соатдан бери ёғаётган ёмғир сабаб пойтахт кўчаларини сув босди. Қашқадарё вилоятининг Китоб туманида эса сел келди.
Тинимсиз ёғган ёмғирдан сўнг Тошкент кўчаларини сув босиши, одамлар ҳазил тариқасида автомобилини қайиқ қилиб, сувдан сузиб ўтаётгани тасвирланган видеолар тарқалса-да, мазкур ҳолатга ҳеч қандай муносабат билдирилмаган.
Пойтахт масъулларидан фарқли равишда Қашқадарё вилоятининг Китоб тумани ҳокимлиги ёмғир сабаб қишлоққа сел келгани ҳақида хабарларга муносабат билдирди.
Ҳокимлик ахборот хизмати раҳбари Қаҳрамон Оқиловнинг «Дарё» сўровига жавобан маълумот беришича, сел Китоб туманидаги «Куҳсор» МФЙ Жовуз қишлоғида юз берган.
Бугунги сел оқибатларини ўрганиш ва бартараф этиш бўйича туман ҳокимлиги ҳузурида фавқулодда вазиятлар бўлими ҳамда тегишли ташкилотлар ҳамкорлигида тезкор ишчи гуруҳ тузилиб, воқеа содир бўлган манзилга юборилди. Дастлабки олинган маълумотларга кўра маҳаллий аҳоли орасида жабрланганлар йўқ, — дейди Қаҳрамон Оқилов.
Изоҳ (0)