Prezidentning tegishli farmoniga asosan adliya katta maslahatchisi Botir Qudratxo‘jayev bosh prokurorning o‘rinbosari — O‘zbekiston harbiy prokurori lavozimiga tayinlandi.
U tayinlovga qadar 2020-yilning oktabridan buyon Xorazm viloyati prokurori lavozimida ishlab kelayotgandi.
Botir Qudratxo‘jayev 2014—2016-yillarda Surxondaryo viloyati prokurori vazifasini bajaruvchi, viloyat prokurori bo‘lib ishlagan, 2016—2017-yillarda Toshkent shahri prokurori bo‘lgan. 2017—2020-yillarda esa Bosh prokuratura huzuridagi Majburiy ijro byurosi direktori lavozimida ishlagan.
O‘zAning yozishicha, shu kunga qadar O‘zbekiston harbiy prokurori lavozimida ishlab kelgan Shuhrat Uzoqov boshqa ishga o‘tishi munosabati bilan lavozimidan ozod etilgan.
Izoh (0)