Bosh prokuratura tomonida 1-noyabr kuni Qoraqalpog‘istondagi tartibsizliklarda gumon qilingan yana 35 nafar ayblanuvchi jamoat kafilligi asosida o‘z oilasiga qaytarildi. Bu hududdagi voqealarni o‘rganuvchi komissiya a’zolari taklifi va Qoraqalpog‘iston Respublikasi Jo‘qorg‘i Kengesi iltimosnomasiga ko‘ra amalga oshirilgan.
Qayd etilishicha, komissiya tomonidan fuqaro murojaatlarini o‘rganish davomida sodir etgan qilmishiga pushaymon va ijtimoiy sharoiti og‘ir bo‘lgan ayblanuvchilarning uchinchi ro‘yxati shakllantirilgan va ularni oilasiga qaytarish bo‘yicha tegishli choralar ko‘rilgan.
Shu yilning 30-avgust kuni 34 nafar, 13—14-oktabr kunlari 38 nafar Mustaqil Komissiya tomonidan shakllantirilgan ro‘yxatdagi ayblanuvchi oilasi bag‘riga qaytarilgan.
Bu orqali uyiga qaytarilgan ayblanuvchilar soni 107 nafarga yetdi.
Izoh (1)
Ҳукуматимиз томонилан Қорақалпоғистонда бўлган тартибсизликларда иштирок этган кўпчилик озодликка чиқарилгани жуда адолатли иш бўлди. Аслида улар катта фитнанинг қурбони. Бу фитнани уюштирганларгаэнг олий жазо бериш керак. Биз Ўзбеклар ва Қорақалпоқлар ажралмас оға инилармиз. Асл айбдорлар топилиб албатта жазоланишига ишонамиз.