Бош прокуратура томонида 1 ноябрь куни Қорақалпоғистондаги тартибсизликларда гумон қилинган яна 35 нафар айбланувчи жамоат кафиллиги асосида ўз оиласига қайтарилди. Бу ҳудуддаги воқеаларни ўрганувчи комиссия аъзолари таклифи ва Қорақалпоғистон Республикаси Жўқорғи Кенгеси илтимосномасига кўра амалга оширилган.
Қайд этилишича, комиссия томонидан фуқаро мурожаатларини ўрганиш давомида содир этган қилмишига пушаймон ва ижтимоий шароити оғир бўлган айбланувчиларнинг учинчи рўйхати шакллантирилган ва уларни оиласига қайтариш бўйича тегишли чоралар кўрилган.
Шу йилнинг 30 август куни 34 нафар, 13—14 октябрь кунлари 38 нафар Мустақил Комиссия томонидан шакллантирилган рўйхатдаги айбланувчи оиласи бағрига қайтарилган.
Бу орқали уйига қайтарилган айбланувчилар сони 107 нафарга етди.
Изоҳ (1)
Ҳукуматимиз томонилан Қорақалпоғистонда бўлган тартибсизликларда иштирок этган кўпчилик озодликка чиқарилгани жуда адолатли иш бўлди. Аслида улар катта фитнанинг қурбони. Бу фитнани уюштирганларгаэнг олий жазо бериш керак. Биз Ўзбеклар ва Қорақалпоқлар ажралмас оға инилармиз. Асл айбдорлар топилиб албатта жазоланишига ишонамиз.