Futbol bo‘yicha Angliya Premyer Ligasining 14-turida “Arsenal” 30-oktabr, yakshanba kuni “Nottingem Forest”ni qabul qildi.
Uchrashuving 5-daqiqasidayoq Gabriel Martinelli londonliklarni hisobda oldinga olib chiqdi. Tanaffusga qadar boshqa to‘p kiritilmadi.
Ikkinchi bo‘limda mezbonlar yana to‘rtta to‘p kiritishga muvaffaq bo‘ldi. Ris Nelson dublga erishgan bo‘lsa, Tomas Parti va Martin Edegor bir martadan “Nottingem Forest” darvozasini ishg‘ol qildi.
Ushbu g‘alaba evaziga ochkolarini 31 taga yetkazib olgan “Arsenal” peshqadamlikni saqlab turibdi. “Nottingem Forest” 9 ochko bilan so‘nggi o‘rinda bormoqda.
APL
14-tur bahsi
30-oktabr, yakshanba
“Arsenal” — “Nottingem Forest” 5:0
Gollar: 1:0 – 5 Martinelli, 2:0 – 49 Nelson, 3:0 – 52 Nelson, 4:0 – 57 Parti, 5:0 – 78 Edegor.“Arsenal”: Remsdeyl, Uayt, Gabriel, Saliba (Tirni, 76), Tomiyasu (Soaresh, 63), Jaka (Nketia, 75), Parti, Edegor, Saka (Nelson, 27), Gabriel Jezus, Martinelli (Fabiu Viyeyra, 63).
“Nottingem Forest”: Henderson, Ore, Kuk, Makkenna, Lodi (Uilyams, 64), Kuyate (O`Brayen, 81), Froyler, Yeyts, Lingard (Dennis, 56), Gibbs-Uayt (Jonson, 56), Avoniyi (Uorrell, 64).
Ogohlantirish: Gibbs-Uayt (44).
Izoh (0)