O‘zbekistondagi bolalar va o‘smirlar muassasalarida sanitariya qoidalarini buzgan 6,5 mingga yaqin xodim ishdan chetlatildi

O‘zbekistondagi bolalar va o‘smirlar muassasalarida sanitariya qoidalarini buzgan 6499 nafar ishchi-xodim ishdan chetlashtirildi, 274 ta muassasa faoliyati to‘xtatildi. Bu haqda AOKAda o‘tkazilgan brifingda Sanitariya epidemiologik osoyishtalik va jamoat salomatligi xizmati axborot xizmati rahbari Maftuna Saidova ma’lum qildi.

Qayd etilishicha, 2022-yilning o‘tgan davri davomida bolalar va o‘smirlar muassasalarida sanitariya qoidalariga rioya qilinishi yuzasidan jami 10 818 ta rejali tekshirish o‘tkazildi.

Tekshirishlar davomida bolalar va o‘smirlar ta’lim-tarbiya tashkilotlarida jami kimyoviy tahlillar uchun 120 038 ta namunadan 4925 tasi, bakteriologik tahlillar uchun 121 113 ta olingan namunadan esa 10 341 tasi talabga javob bermagan.

Bolalar va o‘smirlar muassasalarida qonun buzilish holatlariga yo‘l qo‘ygan 274 ta muassasaning ish faoliyati vaqtincha to‘xtatilgan, 6499 nafar ishchi-xodim ishdan vaqticha chetlashtirilgan.

Mavzuga doir:

• SSV: Maktab oshxonalarida fastfud tayyorlash va sotish taqiqlangan
• SSV: Ta’lim muassasasi oshxonasidagi ovqatlar sifati alohida komissiya tomonidan tekshiriladi
• Maktab oshxonasi xodimlari qanday tibbiy-gigiyenik talablarga amal qilishi lozim? SSV ma’lumot berdi