Ижтимоий тармоқларда «Юнусобод» метро йўналишининг «Туркистон» бекатида поездлар эшиги билан боғлиқ муаммо юзага келгани ҳақида хабарлар тарқалди.
Унда айтилишича, дастлаб вагон эшиклари очилмай қолган. Эшиклар очилиб, йўловчилар кирганидан 10 дақиқа ўтгач, барчадан тушиш сўралган. Машинистнинг носозликни бартараф этишга қаратилган ҳаракатлари самара бермаган, натижада ҳаракат таркибини янгилашга қарор қилинган.
Бу вақт давомида поездлар ортидан яна 3 та ҳаракат таркиби келиб қолиб, йўл очилишини кутиб қолган.
Метрополитен маъмурияти ҳолатга изоҳ берди. Унга кўра, техник носозлик 27 октябрь куни соат 20:05 да «Туркистон» бекатидан ҳаракатланишни бошлаган 62-сонли ҳаракат таркибида ҳолати кузатилган. Белгиланган йўриқномага асосан машинист томонидан йўловчилар бекатга туширилган. Ҳаракат таркиби эса, техник кўрикдан ўтказиш мақсадида шу бекатнинг текширув йўлагига юборилган.
Ҳозирда барча поездлар белгиланган жадвал асосида ҳаракатланмоқда.
Изоҳ (0)