“Hududda 210 nafar mansabdor korrupsiyaga qo‘l urgan” — Qoraqalpog‘iston prokurori

Qoraqalpog‘istonda 2022-yilning o‘tgan davri mobaynida 210 nafar mansabdor korrupsion jinoyatlarga qo‘l urgan. Bu haqda respublika prokurori Erkaboy Tojiyev Jo‘qorg‘i Kengesning 36-sessiyasida ma’lum qildi.

Erkaboy Tojiyevning ma’lumot berishicha, sodir etilgan korrupsion jinoyatlar oqibatida davlat va fuqarolar manfaatiga 50 milliard so‘m moddiy zarar yetkazilgan. Korrupsion jinoyatlarning aksariyati bank, maktabgacha ta’lim, xalq ta’limi, oliy ta’lim, qurilish, suv xo‘jaligi, bandlik va moliya idoralari mansabdorlari tomonidan sodir etilgan.

Ko‘rinib turibdiki, mazkur idoralarda korrupsiyaga qarshi kurashish faoliyati mutlaqo talab darajasida emas, — deydi Erkaboy Tojiyev.