Футбол бўйича Европа Лигасининг 5-туридан ўрин олган учрашувлар 27 октябрь куни бўлиб ўтди.
Мазкур тур ўйинларидан кейин гуруҳлардаги вазият қуйидаги кўринишни олди.
А гуруҳида «Арсенал» ва «ПСВ» гуруҳдан чиқиш масаласини ҳал қилган. Биринчи ўрин масаласига сўнгги турда ойдинлик киритилади.
B гуруҳида «Фенербаҳче» ва «Ренн» плей-оффга йўлланма олган. Бу гуруҳда ҳам биринчи ўрин тақдири охирги турда ҳал бўлади.
C гуруҳида «Бетис» биринчи ўрин қўлга киритган. Иккинчи ўрин учун «Рома» ва «Лудогорец» 6-турда ўзаро баҳс олиб боради.
D гуруҳида Бельгиянинг «Юнион» жамоаси биринчи ўринни муддатидан аввал қўлга киритди. Иккинчи ўрин учун «Унион» ва «Брага» даъвогар бўлиб турибди.
E гуруҳида «Реал Сосьедад» ва «Манчестер Юнайтед» рақибларини ортда қолдирган. Бу жамоалар сўнгги турдаги ўзаро ўйин орқали биринчи ўринга ойдинлик киритади.
F гуруҳида вазият чигал ва ҳаммаси охирги турда ҳал бўлади. Ҳозирча «Лацио» ва «Штурм» 8 тадан очко эга, «Фейеноорд» ва «Митдюлланд»да 5 очко бор.
G гуруҳида «Frayburg» биринчи ўрин билан плей-оффга йўл олган. «Қорабоғ» ва «Нант» иккинчи йўлланмага даъвогар.
H гуруҳида «Ференцварош» муддатидан аввал биринчи ўринни қўлга киритди. «Монако», «Трабзонспор» ва «Црвена Звезда» иккинчи йўлланма учун имкониятга эга.
Европа Лигаси гуруҳларида биринчи ўринни эгаллаган жамоалар 1/8 финалга йўл олади. Иккинчи ўрин эгалари ўз юришини 1/16 финалдан бошлайди. Учинчи ўриндагилар эса Конференциялар Лигасига йўл олади.
Изоҳ (0)