«Спартак» ва «Урал» клублари собиқ ярим ҳимоячиси Остон Ўруновга «Навбаҳор» жамоаси қизиқиш билдирмоқда.
Метаратингс хабарига кўра, Ўрунов «Навбаҳор»нинг чемпионатда эгаллайдиган ўрнига қараб сўнгги қарорни қабул қилади. Агарда «Навбаҳор» Осиё Чемпионлар Лигаси йўлланмасини қўлга киритса, Ўрунов Наманган жамоасига ўтишга рози бўлади.
Суперлига якунланишига 3 та тур қолди, «лочинлар» 44 очко билан 3-ўринни эгаллаб турибди. Мусобақа етакчиси «Насаф»дан 2 очко ортда қолмоқда.
«Навбаҳор» Ўзбекистон Кубоги финалидаги ғалаба орқали ҳам ОЧЛ йўлланмасини нақд қилиши мумкин. Бунинг учун жамоа «Насаф»ни енгишига тўғри келади.
Эслатиб ўтамиз, Остон «Пахтакор» тарбияланувчиси ҳисобланади. Ўзбекистонлик футболчи Россиянинг «Спартак», «Уфа» ва «Урал» жамоалари шарафини ҳимоя қилган. 21 ёшли футболчи 2017–2018 йиллар ва 2019 йилда «Навбаҳор» жамоасида тўп сурган.
Мавзуга доир:
Изоҳ (0)