“Bavariya” rekordli yurishini davom ettirdi. Nagelsmann esa Mourinyoning rekordini yangiladi

“Bavariya” Chempionlar Ligasining 5-turida “Barselona”ni safarda 3:0 hisobida mag‘lub etdi.

Myunxenliklar klubi YCHL guruh bosqichidagi g‘alabali yurishini 12 ta o‘yinga yetkazdi va bu borada o‘z rekordini yaxshilab oldi.

Nemis jamoasi so‘nggi bor 2020-yilning 1-dekabrida “Atletiko”ga qarshi o‘yinda (1:1) ochko yo‘qotgandi.

“Bavariya”ning musobaqa doirasidagi keyingi o‘yini 1-noyabr kuni “Inter”ga qarshi kechadi.

“Bavariya” ustozi Yulian Nagelsmann Chempionlar Ligasida “Barselona” ustidan to‘rtta g‘alabaga erishgan tarixdagi ilk murabbiyga aylandi. Germaniyalik mutaxassis katalonlarni uch marta taslim etgan Joze Mourinyoning rekordini yangiladi.

“Bavariya” “Kamp Nou”da “Barselona”ga qarshi kechgan so‘nggi 7 o‘yindan beshtasida g‘alaba qozondi, yana ikki o‘yinda katalonlarning qo‘li baland kelgan.

Mavzuga doir: “Barselona” yana Yevropa Ligasida o‘ynaydi. La Liga klublari YCHLda so‘nggi 19 yillikdagi eng yomon natijani qayd etdi