Buxoro shahrida zaxiradagi yer maydoni savdosi bilan bog‘liq firibgarlik holati fosh etildi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Buxoro viloyat boshqarmasi tomonidan IIB xodimlari bilan hamkorlikda tezkor tadbir o‘tkazilgan. Unda fuqaro X.K. va boshqalar fuqaro S.ga Buxoro shahar M.Tarobiy MFY hududidagi 5 sotix zaxiradagi yer maydonini 8 500 dollarga sotishga kelishgani aniqlangan. Ular aldov yo‘li bilan 94 million so‘mni olgan vaqtlarida ashyoviy dalillar bilan ushlangan.
Mazkur holat yuzasidan Jinoyat kodeksining 25,168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)