25-oktabr kuni Madaniyat va san’atni rivojlantirish jamg‘armasi Germaniyaning Berlin davlat muzeylari tashkiloti bilan 2023-yil Berlin shahrida ko‘rgazma tashkil etish va o‘tkazishga doir bitim imzoladi. Bu haqda jamg‘arma axborot xizmati xabar qildi.
Qayd etilishicha, “O‘zbekiston – makedoniyalik Iskandardan to Kushonlar saltanatigacha” deb nomlanuvchi ko‘rgazmani tashkil etish to‘g‘risidagi bitim jamg‘arma ijrochi direktori Gayane Umerova va Tarixdan oldingi davr va ilk tarix muzeyi (Berlin davlat muzeylari) direktori Mattias Vemhoff bilan imzolangan.
Ko‘rgazma Jeyms Simon galereyasida 2023-yilning 21-aprelidan 1-oktabriga qadar o‘tkazilib, unda O‘zbekistonning turli muzeylaridan 270 dona arxeologik osori atiqalardan bo‘ladi.
Galereya muzey orolida joylashgan bo‘lib, uning loyihasi taniqli me’mor Devid Chipperfild tomonidan ishlab chiqilgan. Galereya Berlin davlat muzeylari uyushmasi tarkibiga kiradi.
Izoh (0)